-
-
-
-
काठमाडौं । नेकपा माओवादी केन्द्रका अध्यक्ष एवं प्रधानमन्त्री पुष्पकमल दाहाल ‘प्रचण्ड’ले सरकारले गरेको राम्रो कामको ऋण खोजेरै प्रचार गर्ने योजनामा रहेको बताएका छन् ।
सोमबार पार्टी केन्द्रीय कार्यालय पेरिसडाँडामा पार्टीको वेबसाइट सार्वजनिक गर्दै उनले राम्रो कामलाई राम्रो भन्न आग्रह गर्दै अब ऋण खोजेर भए पनि प्रचार गर्ने योजना रहेको सुनाए ।
उनले राम्रो कामलाई राम्रो भन्नसमेत पार्टीका संगठन तयार नभएको गुनासो गरे ।
उनले राम्रा कामप्रति गर्व गर्दै जनतामा लैजाने बताउँदै भने, ‘लड्न म चाहिँ छाड्दिन । लड्न छाड्छ कि प्रचण्डले भन्ने ठान्न पर्दैन । जारी राख्छु । सच्चाइ हाम्रो पक्षमा भएकाले जित हाम्रै हुन्छ ।’
माओवादीको साइट डब्ल्यूडब्ल्यूडब्ल्यू डट सीपीएनएमसी डट ओआरजी रहेको छ ।
