निरन्तर घट्दो क्रममा सुनको भाउ

हाम्रा कुरा

प्रकाशित २०८० मंसिर २६ मंगलबार

काठमाडौँ । अघिल्लो हप्ता आकासिएको सुनको मुल्य यो साता शुरुदेखि नै लगातार घटिरहेको छ । नेपाल सुनचाँदी व्यवसायी महासङ्घले आज सार्वजनिक गरेको मुल्यसूची अनुसार तेस्रो दिन पनि सुनको मूल्य घटेको छ ।

महासङ्घले आज सुनको मुल्य तोलामा नै ७०० रुपैयाँले घटेको जनाएको छ । जसअनुसार आज छापावाल सुनको मूल्य तोलामा १ लाख १६ हजार ३०० र तेजाबी सुनको मूल्य तोलामा १ लाख १५ हजार ७५० रुपैयाँ कायम भएको छ ।

सोमबार मात्रै छापावाल सुनको मूल्य तोलामा १ लाख १७ हजार रुपैयाँ र तेजाबी सुनको मूल्य तोलामा १ लाख १६ हजार ४५० रुपैयाँमा कारोबार भएको थियो ।