-
-
-
-
काठमाडौँ । मन्त्रिपरिषदको बैठकले तीन निर्णय गरेको छ । बिहीबार बसेको बैठकले गहुँको मूल्य निर्धारण, प्राविधिक शिक्षाको सचिवमा महेश भट्टराईलाई तोक्नेसँगै प्रधानमन्त्री कार्यालयको हालको दरबन्दी ६८ ओटा कम गर्ने रहेको छ ।
सरकारले आर्थिक वर्ष २०८०–८१ को लागि गहुँको समर्थन मूल्य प्रति क्विन्टल ३६५०/१४ निर्धारण गर्ने निर्णय गरेको छ ।
त्यस्तै प्राविधिक शिक्षा तथा व्यावसायिक तालिम परिषद्को रिक्त सदस्य सचिव पदमा महेश भट्टराईलाई तोक्ने निर्णयसमेत गरेको छ ।
साथै प्रधानमन्त्री तथा मन्त्रिपरिषद् कार्यालयको पुनःसंरचनासहितको संगठन तथा व्यवस्थापन सर्वेक्षण (ओ एन्ड एम) स्वीकृत गर्ने निर्णय गरेको छ ।
जसअनुसार प्रधानमन्त्री कार्यालयको हालको दरबन्दी ६८ ओटा कम हुने भएको छ ।
