-
-
-
-
हिँडेपछि अवश्य पुगिन्छ
शिखरमा एकदिन
रमाउनु छ सपनाहरू पूरा गरेर
आफ्ना रहरमा एकदिन ।
केही गर्छु भन्ने आँट लिएर
हिँडेकी छोरी हुँ म
हतार नगर न आमा
तिमीले देखेका सपना पूरा गरी
अवश्य खुशी लिएर
आउने छु घरमा एकदिन ।
कहिल्यै पनि रोकिने छैन
जीवनको गोरेटोमा
सफल भएरै छोड्छु आखिर
सफरमा एकदिन ।
अब यस्तो मेहनत गर्नेछु
यो जिन्दगीमा मैले
अवश्य नै चुनिने छु
सबैको लिडरमा एकदिन ।
घमण्ड गर्न जान्दिन म
कहिल्यै गर्ने पनि छैन
मेरो अस्थिपन्जर नै मिसियोस् बरु
तर सपनालाई सफलतामा
परिणत गर्ने छु एकदिन ।
