-
-
-
-
एकदिन झोलाभरी सफलता बोकेर घर आउने छु
परिवारका सबैका लागि खुशी बोकेर घर आउने छु
सफल बनेर सफलताको स्वाद मेरी आमालाई चखाउने छु
पर्खाइ धेरै भए पनि सफल भएर एक दिन अवश्य घर फर्किने छु
पटक–पटक जानी–जानी अग्निमा हाम फालेका छन् मेरा आत्मविश्वासहरु
जित्ने छु सबैलाई एक दिन अनि मेरी आमा र दिदीहरुको स्नेह लिन म घर फर्किने छु
आमा रुने छिन् मेरो सफलता देखेर खुशीका आँसुहरुसँग
मेरी दिदी गर्वले छाती फुलाउँदै हिँड्ने छिन् मेरो सफलताको कहानी सुनेर
अनि
असफलताहरु धमिलो हुँदै जानेछन् जीवनबाट खुशीहरु चम्किने छन्
चर्चा मेरो सफलताले पाउने छ अनि
खुसी मैले कमाउने छु
मेरी आमाले भन्ने छिन् छोरी होस् त मेरो जस्तो
अनि समाजले भन्ने छ छोरी होस् त त्यस्तो
हो, यस्तै जिन्दगी लिएर
म घर फर्किने छु एक दिन ।
