-
-
-
-
काठमाडौँ । धाविका सन्तोषी श्रेष्ठले म्याराथनमा स्वर्णपदक जितेकी छिन् । म्याराथनमा पहिलोपटक दौडिएकी सन्तोषीले बंगलादेशको बंगबन्धु सेख मुजिव ढाका इन्टरनेसनल म्याराथनमा दक्षिण एसियाको महिलातर्फ स्वर्णपदक जितेकी हुन् ।
उनले निर्धारित दूरी २ घण्टा ४६.२२ मिनेटमा दौड पूरा गरेकी थिइन् । उनले नेपालको कीर्तिमानसमेत तोडेकी छिन् । पुष्पा भण्डारी दोस्रो भइन् । उनले दुई घण्टा ४९ मिनेट ३३ सेकेण्डमा दौड पूरा गरिन् ।
महिला म्याराथनको कीर्तिमान पुष्पाकै नाममा थियो । पुष्पाको नाममा २ घण्टा ४८ मिनेट ०२ सेकेण्डको कीर्तिमान थियो ।
