-
-
-
-
काठमाडौँ । प्रधानमन्त्री पुष्पकमल दाहालले संघीय संसद्को चालु अधिवेशन बढीभन्दा बढी विधेयकहरू पारित गर्ने कुरामा केन्द्रित हुने बताएका छन् ।
सोमबार प्रतिनिधि सभाको बैठकपछि सञ्चारकर्मीहरूलाई संक्षिप्त प्रतिक्रिया दिँदै प्रधानमन्त्री दाहालले संसद्को चालु अधिवेशनमा बढीभन्दा बढी विधेयकहरू ल्याउने र पारित गर्ने कुरामा केन्द्रित हुने बताएका हुन् ।
उनले संसद अधिवेशनको शुरुवात राम्रो वातावरणमा शुरु भएको प्रतिक्रिया दिए ।
उनले भने – ‘यो अधिवेशन विधेयक अधिवेशन हो । बढीभन्दा बढी विधेयकहरू ल्याउने र पारित गर्ने कुरामा केन्द्रित छ । आज राम्रो वातावरणमा शुरु भएको छ । अब अगाडी बढ्छ ।’
संघीय संसद्को दुवै सदनको अधिवेशन आजदेखि शुरु भएको छ ।
