-
-
-
-
म सङ्घर्ष गरिरहेछु
लड्दा लड्दै पनि
उठ्ने सामर्थ्य जुटाइरहेछु
हारमा पनि
जितको किरण खोजिरहेछु
निराशा भित्र पनि
एउटा आशाको दियो बालिरहेछु
मैले नगरे कसले गर्ला र यहाँ भनी
आफैँलाई सङ्घर्षको मैदानमा उतारिरहेछु
मेरो हरेक प्रयासमा साथ परिवारको मिलेकै छ
गन्तव्य पुग्न चाहिने उर्जा र हिम्मत त्यसैमा भेटिरहेछु
केही बन्नु छ म पनि
केही गर्नु छ परिवारको लागि
त्यसैले थाकेर पनि
नथाके झैँ गरी पाइलाहरु चालिरहेछु
आफ्नो लागि र आफ्नो परिवारको लागि
म अघि बढिरहेछु
अनवरत रूपमा खटिरहेछु ।
