जनमत तत्काल सरकारमा जाने सम्भावना कम, खोज्यो मधेस मुख्यमन्त्रीको सुनिश्चितता
हाम्रा कुरा
प्रकाशित २०८० फागुन २३ बुधबार
716
Shares
तस्बिर – फाइल ।
काठमाडौँ । मधेस प्रदेशको मुख्यमन्त्री सुनिश्चित भएपछि मात्रै जनमत पार्टी सरकारमा सामेल हुने भएको छ ।
नेकपा एमाले र नेकपा माओवादी गठबन्धन सरकारमा सामेल हुनका लागि जनमत पार्टीले मधेस मुख्यमन्त्रीको सुनिश्चितता खोजेको हो ।
यसअघि एमालेसहितको गठबन्धन हुँदा पुस १० गते भएको सहमति अनुसार एक वर्षपछि जनमतले मधेस प्रदेशको मुख्यमन्त्री पाउने भन्ने थियो । तर डेढ वर्ष लाग्नै खोज्दा पनि जनमतले सो सहमति अनुसारको मुख्यमन्त्री पाएको छैन ।
‘यसअघि निर्वाचन लगत्तै २०७९ पुस १० गते एमाले र माओवादीसँग भएको सहमति अनुसार एक वर्षपछि मधेस प्रदेशको मुख्यमन्त्री जनमतको हुने भन्ने सहमति भएको थियो, त्यो सहमति अझै कार्यान्वयन भएको छैन, जबसम्म मधेस प्रदेशमा जनमतले मुख्यमन्त्रीको सुनिश्चितता पाउँदैनन्, तबसम्म केन्द्र सरकारमा जाने कुनै निर्णय हुन सक्ने अवस्था छैन’, प्रवक्ता शरदसिंह यादवले सञ्चारकर्मीसँग भने ।
उनका अनुसार मधेस मुख्यमन्त्री सुनिश्चितता भएपछि प्रचण्ड सरकारमा सहभागिता हुने वा समर्थन जनाउने बारेमा पार्टीले निर्णय गर्ने उनले जनाएका छन ।
