-
-
-
-
आशाहरूका मट्याङ्रालाई
सपनाको गुलेलीमा राखी फालिरहेछु
कुनै एउटाले त
सफलताको पोकोमा लाग्ला भनी
अन्धाधुन्ध जीवनको गोरेटोमा खोजिरहेछु
कतै नजिक पो छन् कि
ईच्छाहरु पनि ।
हिंड्दा हिंड्दै
घरी हार खान्छु
घरी सोच्छु
कसरी कमजोर हुन सक्छु र म
मेरी आमा अनि दिदीहरूको पनि त
सपना मसँगै जोडिएको छ
अनि त्यो सपना पनि त मैले पूरा गर्नु छ
मेरी आमाले पनि त आशा राखेकी होलिन्
पक्कै एकदिन मेरी छोरी पनि सफल हुन्छे भनी
भगवान् भाक्दा भाक्दा
आजित हुन लागेँ
सोच्छु भगवान् सुन्दैनन् कि
भगवान् देख्दैनन् कि
यस्तै यस्तै ।
