-
-
-
-
नयाँ सालसँगै हाल फेर्न सकूँ
परिस्थिति जस्तोसुकै आए पनि जीवनमा
निडर भई हाँसीहाँसी सामना गर्न सकूँ
आज नभए के भयो त
भोलि त पक्कै पनि होला नि भनी
आफ्नो मन मस्तिष्कलाई सम्झाउन
अनि बुझाउन सकूँ
चालेका मेरा यी कदमहरूले
अनि सजाएका ती हजारौँ सपनाहरूले
सफलताको शिखर चुम्न सकूँ
सारा कल्पना सत्यता बनेर
नयाँ वर्षको अञ्जुलीमा भर्न सकूँ
गुराँस झैँ सदाबहार फुल्न सकूँ
नयाँ वर्षसँगै जीवनमा
खुशी र उमङ्गहरू
ल्याउन सकूँ ।
