काठमाडौँ । गीतकार डा. हेमन्त खतिवडाको हिन्दी गीतको किताब ‘कैसा मन मस्ताना प्यारे’ प्रकाशित भएको छ । यो पुस्तकमा विशेष गरेर प्रेमको रोमान्टिक विषयलाई गीतकारले समेटेका छन् ।
यस कृतिमा दुई शय वटा हिन्दी गीतहरु रहेका छन् । दुई सय पृष्ठमा किताब तयार भएको छ । यसको मूल्य भारु २०० रहेको छ । गीतहरु प्रेम गीतको प्रचलित परम्परा भन्दा फरक किसिमले लेखिएका छन् ।
गीतकार खतिवडा भन्छन्, ‘प्रेम भनेको सतही विषय नभई यसको आफ्नै दर्शन छ र प्रेम गीतलाई पनि म दर्शनसँग जोडेर हेर्छु र लेख्न रुचाउँछु ।’
ओम प्रकाशन दिल्लीले प्रकाशन गरेको यो कृति भारतीय पाठकहरुबीच लोकप्रिय हुने अपेक्षा गरिएको छ ।
गीतको बनोट र प्रस्तुतिका जुन तरिका छन् ती कलात्मक र बिम्बात्मक छन् । शब्दहरू सरल छन् तर ती शब्दहरूले बोक्ने भाव गम्भीर छन् ।
उनका गीतहरुमा प्रेमको मनोविज्ञान अनौठो तबरले घुलित भएका छन् । शब्द शब्दमा गहिरो मनोविज्ञान सम्प्रेषण गर्न गीतकार खप्पिस देखिएका छन् ।
उनले विवाहको विषयवस्तुमा पनि केही गीत लेखेका छन ।
उनी नेपालको सबभन्दा कम उमेरमा गीत लेख्ने गीतकार पनि हुन् ।
