पनौती । आलु नेपालीको भान्छामा सबैभन्दा बढी प्रयोग हुने तरकारी हो । तर नेपालमा आलु उत्पादनको दृष्टिकोणले आत्मनिर्भर भने हुन सकेको छैन ।
चालु आर्थिक वर्षको साउनदेखि पुस मसान्तसम्मको अवधिमा नेपालमा ५ अर्ब ३९ करोड मूल्य बराबरको आलु आयात भएको छ ।
पुससम्म करिब साढे ५ अर्बको काँचो र फ्रोजन गरी साढे २१ करोड केजी आलु आयात भएको देखिन्छ । नेपालमा भारत र बंगलादेशदेखि इण्डोनेसियासम्मबाट आलु आयात हुने गरेको छ ।
तरकारीमध्ये सबैभन्दा बढी खपत हुने आलुमा नेपालको आयातको हिस्सा ८ दशमलव ९५ प्रतिशत छ । नेपालमा आन्तरिक उत्पादन ३४ लाख ८० हजार मेट्रिक टन रहँदा माग भने ३७ लाख ९४ हजार मेट्रिक टन आवश्यकता पर्छ ।
आलुको पकट क्षेत्र पनौती सुन्थानका किसानहरू अहिले खेतमा लगाएको आलु खन्न व्यस्त देखिएका छन् । तर सो आलुले मात्र नेपालको माग धान्न भने असम्भव जस्तै छ ।
