-
-
-
-
भयो !
मलाई त्यो फूलसँग नदाँज
जो
क्षणिक फक्रने
अनि ओइलाएर झर्ने
मलाई त्यो जूनसँग पनि नदाँज
हो
मलाई कसैसँग नदाँज तिमी
किनकि
मेरो अस्तित्व
त्यति क्षणिक पनि छैन
अनि सुन
म चुडिँन
म निमोठिन
जन्मिएको हैन
अनि मलाई त्यो जूनसँग नदाँज
जो सूर्यको प्रकाश
उधारो लिएर चम्कन्छ
मलाई चम्किन
कसैको प्रकाश चाहिँदैन
म आफैँमा पूर्ण छु
म प्रकाशले भरिपूर्ण छु
यो भौतिक सुन्दरता
भन्दा पनि माथि
मेरो पहिचान छ
मेरो अस्तित्व छ ।
