साँगामा भयानक दुर्घटना, पाँच गाडी र दुई बाइक ठोक्किए [तस्बिर]
सरोजश्री अधिकारी,
प्रकाशित २०८१ जेठ १६ बुधबार
1.3k
Shares
काभ्रे । अरनिको राजमार्ग अन्तर्गत काभ्रेपलाञ्चोक जिल्लाको साँगामा भयानक दुर्घटना भएको छ । अपरान्ह पाँच वडा गाडी र दुई वटा बाइक एक आपसमा ठोक्किएका छन् ।
बनेपा नगरपालिका–१३ स्थित साँगामा रोकेर राखेको ट्याङ्करमा मोटरसाइकल,स्कुटर र मालवाहक ट्रक सहितका ६ वटा सवारी साधन ठोक्किएका छन् । दुर्घटनामा परेर दुई जना घाइते भएको इलाका प्रहरी कार्यालय बनेपाका डीएसपी लालध्वज सुवेदीले बताए ।
घाइते हुनेमा बा.६३ प ७ नम्बरको मोटरसाइकल चालक पनौती घर भएका प्रकाश सापकोटा र बागमती प्रदेश–०२–०४४ प ०५७३ नम्बरको स्कुटर चालक बनेपा घर भएकी १८ वर्षीया देविना कर्माचार्य छिन् ।
कर्माचार्य डिस्चार्ज भएकी छिन् भने सापकाेटालाई नर्भिक अस्पतालमा रेफर गरिएको छ ।
बागमती प्रदेश ०१–००३ क ९९४५ नम्बरको ट्याङ्करमा साँगाबाट बनेपातर्फ जाँदै गरेको मोटरसाइकल, स्कुटर, बा.७ च ४५३७ नम्बरको कार, योद्धा गाडी, बीएसीओ–१२३ नम्बरको कार र मालवाहक ट्रक ठोक्किएको डीएसपी सुवेदीले जानकारी दिए । घटनाबारे प्रहरीले अनुसन्धान गरिरहेको छ ।
