-
-
-
-
पोखरा । प्रधानमन्त्री पुष्पकमल दाहाल प्रचण्ड पोखरा आइपुगेका छन् । आज साँझ ५ बजे उनी पोखरा आइपुगेका हुन् ।
नेकपा माओवादी केन्द्रको गण्डकी प्रदेश कमिटीले बुधबार आयोजना गरेको प्रदेश स्तरीय कार्यकर्ता प्रशिक्षण कार्यक्रममा सहभागी हुन प्रधानमन्त्री पोखरा आएका हुन् । प्रशिक्षण कार्यक्रम पोखरा सभागृहमा आयोजना हुँदैछ ।
प्रधानमन्त्रीलाई नेकपा माओवादी केन्द्रका सचिव तथा गण्डकी प्रदेश ईञ्चार्ज दीनानाथ शर्मा, सहईञ्चार्ज हरिराज अधिकारी, प्रदेश अध्यक्ष गायत्री गुरुङ, केन्द्रीय सदस्य तथा कास्की ईञ्चार्ज रामजीप्रसादलगायतले स्वागत गरेका थिए ।
प्रधानमन्त्री आज सराङकोटस्थित होटल अन्नपूर्णमा बास बस्नेछन् । आजै साँझ उनले पार्टीका स्थानीय कार्यकर्तासँग भेटघाट गर्ने बताइन्छ ।
प्रधानमन्त्री बुधबार बिहान ९ बजे पोखरा स्वास्थ्य विज्ञान प्रतिष्ठानको सिनेट बैठकमा सहभागी भएर पार्टीको प्रशिक्षण कार्यक्रममा सहभागी हुने कार्यतालिका छ ।
