काठमाडौँ । स्वीट्जरल्याण्डले युरोकप फुटबल अन्तर्गत विजयी शुरुआत गरेको छ । शनिबार सम्पन्न समूह ए अन्तर्गतको खेलमा स्वीट्जरल्याण्डले हंगेरीलाई ३–१ गोल अन्तरले पराजित गरेको हो ।
स्वीट्जरल्याण्डको जितमा क्वाडवो दुआह, माइकल अबिचेर र बरील एम्बोलोले एक एक गोल गरेका थिए । स्वीट्जरल्याण्डले २ गोल पहिलो हाफमा गरेको थियो भने तेस्रो गोल दोस्रो हाफमा गरेको थियो ।
त्यस्तै हंगेरीले एक गोल खेलको ६६औ मिनेटमा फर्काएको थियो । हंगेरीका लागि बार्नाबास भार्गाले गोल गरेका थिए ।
यो जितपछि स्वीट्जरल्याण्डले पहिलो खेलमा जित हासिल गरेर महत्वपूर्ण ३ अंक हसिल गरेको छ । समूह ए मा आयोजक जर्मनीले पनि पहिलो खेल जितेर ३ अंक हासिल गरेको छ ।
अब स्वीट्जरल्याण्डले दोस्रो खेल जुन २० मा स्कटल्याण्डसँग खेल्ने छ भने हंगेरीले जर्मनीसँग जुन १९ मा खेल्ने तालिका रहेको छ ।