-
-
-
-
काठमाडौँ । स्पेनले युरोकप फुटबल अन्तर्गत क्रोएसियामाथि शानदार जित हासिल गरेको छ । गएराति सम्पन्न समूह बी अन्तर्गतको खेलमा स्पेनले क्रोएसियालाई ३–० गोल अन्तरले पराजित गरेको हो ।
स्पेनको जितमा अल्भारो मोराटा, फबियान रुइज र डानी कारभाजलले एक एक गोल गरेका थिए । स्पेनले तीनै गोल खेलको पहिलो हाफमा गरेको थियो । खेलमा क्रोसियाले धेरै अवसर पाए पनि गोलमा परिणत गर्न भने सकेन । क्रोएसियाले खेलको ८०औ मिनेटमा पाएको पेनाल्टी ब्रुनो पेटकोभिकले मिस गरेका थिए ।
यो जितपछि स्पेनले युरोकपमा शानदार शुरुआत गर्दै समूह बी मा महत्वपूर्ण ३ अंक हासिल गरेको छ ।
अब स्पेनले दोस्रो खेलमा इटालीसँग जुन २१ मा खेल्नेछ । त्यस्तै क्रोएसियाले भने अर्को खेल जुन १९ मा अल्बानियासँग खेल्ने तालिका छ ।
