काठमाडौँ । डेनमार्क जारी युरोकप फुटबलको पहिलो खेलमा बराबरीमा रोकिएको छ । गएराति सम्पन्न समूह सी अन्तर्गतको खेलमा डेनमार्कलाई स्लोभेनियाले १–१ गोलको बराबरीमा रोकेको हो ।
डेनमार्कका लागि खेलको १७औँ मिनेटमा क्रिस्टियन एरिक्सनले गोल गर्दै शुरुआती अग्रता दिलाएका थिए । तर खेलको ७७ औँ मिनेटमा स्लोभेनियाका एरिक जान्जाले गोल गर्दै खेल बराबरी गरेका थिए ।
यो बराबरीपछि दुवैले एक–एक अंक हासिल गरेका छन् ।
अब डेनमार्कले अर्को खेल जुन २० मा इङल्याण्डसँग खेल्ने छ भने स्लोभेनियाले सर्बियासँग जुन २० मै खेल्ने छ ।