-
-
-
-
काठमाडौँ । नेपाली कांग्रेसकी सांसद प्रतिमा गौतमले बैङ्किङ क्षेत्रमा अपाङ्गता भएका व्यक्तिहरूले भोग्दै आएका समस्या समाधान गर्न माग गरेकी छन् । मंगलबार प्रतिनिधिसभामा अपाङ्गता भएका व्यक्तिहरूले बैंकमा सहजरुपमा खाता खोल्न नपाएको भन्दै उनले यस्तो माग गरेकी हुन् ।
उनले भनिन् .' कतिपय बङ्कहरूले साक्षी बेगर खाता खोल्न नदिने । खाता खोलेपछि पनि उनीहरूले एटिएम र मोबाइल बैङ्किङ जस्ता सेवाहरू उपभोग गर्न सकेका छैनन् । तसर्थ दृष्टिविहीन लगायत सम्पूर्ण अपाङ्गता भएका व्यक्तिहरूको बैङ्किङ क्षेत्रमा देखिएको समस्या तत्कालै समाधान गर्न सभामुख मार्फत सरकारको ध्यानाकर्षण गर्न चाहन्छु ।'
