-
-
-
-
काठमाडौँ । पोर्चुगलले युरोकप फुटबलमा विजयी शुरुआत गरेको छ । गएराति सम्पन्न समूह एफ अन्तर्गतको खेलमा पोर्चुगलले चेक गणतन्त्रलाई २–१ गोल अन्तरले पराजित गरेको हो ।
१–० गोलले पछि परेको पोर्चुगलले खेलमा कम ब्याक गर्दै जित हासिल गरेको हो । पोर्चुगलका लागि फ्रान्सिस्को कोन्सेइकाओले इन्जुरी समयमा निर्णायक गोल गर्दै जित दिलाएका थिए ।
यसअघि चेक गणतन्त्रका रोबिन ह्रानकले गरेको आत्मघाती गोलबाट खेल बराबरी भएको थियो । त्यस्तै चेकले खेलको ६२औं मिनेटमा गोल गर्दै शुरुआती अग्रता लिएको थियो । चेकका लागि लुकास प्रोभोडले गोल गरेका थिए ।
अब पोर्चुगलले अर्को खेल जुन २२ मा टर्किएविरुद्ध खेल्ने छ भने चेकले भने जर्जियासँग खेल्ने तालिका छ ।
