-
-
-
-
ल हेरुम् साथी यो रमिता
हेर्नै पर्दैन यता र उता
देशमै छन थरी थरी अभिनेता
टाटा बाइ बाइ आचारसंहिता ।
सय किलो पहेँलो सुटुक्क झन्डै
तर एक ग्राममा केरकार किन ल्याइस् भन्दै
ल हेरुम् साथी यो रमिता
हेर्नै पर्दैन यता र उता ।
जुन देश चल्छ रेमिट्यान्सको भरमा
डुबेका छन् जनता चर्को करमा
केही गर्छु भन्नेलाई धकालि दिन्छन्
ससुरालीको मान्छेलाई उकाली दिन्छन् ।
ल हेरुम् साथी यो रमिता
हेर्नै पर्दैन यता र उता ।
देश हाँकेका खुट्टा तानातान गर्ने
कहिले हो घैँटोको घाम झुल्किने
देशलाई विदेशझैँ बनाउँछु भन्ने
कति मात्रै यो झुठो आश्वासन सुन्ने
ल हेरुम् साथी यो रमिता
हेर्नै पर्दैन यता र उता ।
यो चार वर्ष मेरो अर्को चाहिँ तेरो
भन्दा भन्दै थच्किए जनता बिचरो
हजुरबाले छोडेन अझै कुर्सी
बुढेशकामा हरे शिव देखिँदैन हो हिस्सी ।
ल हेरुम् साथी यो रमिता
हेर्नै पर्दैन यता र उता ।
