-
-
-
-
काठमाडौँ । युरोकप फुटबलमा जर्जिया र चेक गणतन्त्रले बराबरी खेलेका छन् । जारी युरोकपको समूह एफ अन्तर्गत गएराति सम्पन्न खेलमा १–१ गोलको बराबरी भएको हो ।
पहिलो हाफमा जर्जस मिकाउटाजेको गोलमा जर्जियाले अग्रता लिएकोमा खेलको ५९औं मिनेटमा पाट्रीक सचिकले गोल गर्दै खेल बराबरी गरेका थिए ।
यसअघि आ–आफ्नो पहिलो खेल हारेका जर्जिया र चेक गणतन्त्रले दोस्रो खेलमा एक एक अंक हासिल गरेका छन् । पहिलो खेलमा जर्जिया टर्कीसँग ३–१ गोल अन्तरले पराजित भएको थियो भने चेक गणतन्त्र पोर्चुगलसँग २–१ गोलले पराजित भएको थियो ।
अब समूह चरणको अन्तिम खेलमा जुन २७ मा जर्जियाले पोर्चुगलको सामना गर्ने छ भने चेक गणतन्त्रले सोही दिन टर्कीको सामना गर्नेछ ।
