काठमाडौँ । युरोकप फुटबल अन्तर्गत भएको खेलमा फरवार्ड गम्भीर घाइते भएका छन् । हंगेरीका फरवार्ड बर्नाबास भार्गा स्कटल्याण्डका गोलकिपर एनगस गनसँग ठोक्किएपछि घाइते भएका हुन् ।
खेलको ८० मिनेटपछिको खेलमा दुवै खेलाडी ठोक्किएपछि भार्गा घाइते भएका थिए । उनलाई खेल केही बेर रोकेर तत्काल मैदानमै प्राथमिक उपचार दिइएको थियो ।
उनलाई खेलाडीहरुले छोपेर मैदानमा उपचारपछि अस्पताल लागिएको थियो । हंगेरीको फुटबल फेडेरेसनले उनको अहिले अस्पतालमा उपचार भइरहेको, अवस्था स्थिर रहेको र खतरामुक्त रहेको बताएको छ ।
त्यस्तै हंगेरीका प्रशिक्षक मारको रोजीले उनी खतरामुक्त रहेको र उनको अनुहारमा फ्र्याक्चार रहेको बताएका छन् । यस घटनापछि उनी युरोकपबाट भने बाहिर भएका छन् ।
यस खेलमा हंगेरीले स्कटल्याण्डलाई १–० ले पराजित गर्दै महत्वपूर्ण ३ अंक बटुलेर नकआउट चरणको दौड कायम राखेको छ ।
समूह ए मा तेस्रो रहेको हंगेरी ६ समूहका तेस्रो स्थानमा रहेका शीर्ष चारमा परेमा नक आउट चरणमा छनोट हुने छ ।