-
-
-
-
काठमाडौँ । टी–२० विश्वकप क्रिकेटको फाइनलमा भारत र दक्षिण अफ्रिका भिडिरहेका छन् । बारबाडोसमा भइरहेको खेलमा भारतले टस जितेर पहिले ब्याटिङ गरेको छ ।
आक्रामक शुरुआत गरेको भए पनि भारतले दोस्रो ओभरमै दुई विकेट गुमाउन पुग्यो । कप्तान रोहित शर्मा ५ बलमा ९ रन बनाएर आउट भए भने ऋषभ पन्त रनको खाता नखोली आउट भए । त्यस्तै सूर्यकुमार यादव पाँचौँ ओभरमा ४ बलमा ३ रन बनाएर आउट भए ।
विराट कोहली एक्लैले ब्याटिङ लाइन सम्हालेका छन् । केशव महाराजले २ विकेट लिएका छन् । त्यस्तै कागिसो रबाडाले १ विकेट लिए ।
४.३ ओभर खेल्दा भारतले ३ विकेट गुमाएर ३४ रनमात्र बनायो ।
टी–२० विश्वकपमा भारत दोस्रो तथा दक्षिण अफ्रिका पहिलो उपाधिको खोजीमा छ । दक्षिण अफ्रिका कुनै पनि शैलीको विश्वकपमा पहिलो पटक फाइनलमा पुगेको हो ।
समूह चरणमा जित्न निकै संघर्ष गरेको दक्षिण अफ्रिकाले नेपाललाई १ रनले हराएको थियो ।
