आयोजक जर्मनी युरोकपबाट बाहिरियो, स्पेन सेमिफाइनलमा

हाम्रा कुरा

प्रकाशित २०८१ असार २२ शनिबार

काठमाडौँ । स्पेन युरोकप फुटबलको सेमिफाइनलमा पुगेको छ । क्वार्टरफाइनलमा आयोजक जर्मनीलाई २–१ गोल अन्तरले पराजित गर्दै स्पेन प्रतियोगिताको सेमिफाइनलमा पुगेको हो ।

स्पेनको जितमा डानी ओल्मो र मिकेल मेरिनोले एक एक गोल गरेका थिए । खेलको ५१औँ मिनेटमा ओल्मोले गोल गर्दै स्पेनलाई शुरुआती अग्रता दिलाएका थिए ।

त्यसपछि खेलको ८९ औँ मिनेटमा जर्मनीका लागि फ्लोरियन विर्त्जले बराबरी गोल गरेका थिए । निर्धारित ९० मिनेटको खेलमा दुवै देशले १(१ गोल गरेपछि खेल ३० मिनेटको अतिरिक्त समय खेलाइएको थियो । त्यसपछि खेलको ११९औँ मिनेटमा स्पेनका लागि मेरिनोले गोल गरे र स्पेनलाई विजयी बनाए ।