-
-
-
-
काठमाडौँ । काठमाडौँ महानगरपालिकाले सडकपेटी सुधार र मर्मतको कार्य थालेपछि अहिले काठमाडौँका विभिन्न स्थानका सडकपेटी सुन्दर देखिन थालेका छन् । यतिमात्र नभएर सडकपेटी अपाङ्गमैत्री भएकाले अपाङ्गता भएका व्यक्तिहरूलाई पनि हिँड्न सहज हुँदैछ ।
काठमाडौँको कोटेश्वर, तीनकुने, नयाँबानेश्वर र रत्नपार्क क्षेत्रका सडकपेटी बनिसकेका छन् भने बल्खु, कुलेश्वर क्षेत्रको सडकपेटी बन्ने क्रम जारी छ ।
यसरी काठमाडौँका विभिन्न स्थानमा बनेका सडकबेटी दृष्टिविहीन व्यक्तिहरूका लागि हिँड्न सहज हुने गरी बनाइएको छ । काठमाडौँ महानगरपालिका भित्रका सडकपेटीहरु एउटै स्वरूपको र अपाङ्गमैत्री बनाउने योजना अनुसार निर्माण कार्य धमाधम भइरहेको छ । (नेपाल फोटो लाइब्रेरी)
