यहाँ सबैलाई कसै न कसैको
अभाव छ !
कसैलाई मायाको
कसैलाई चोटको
कसैलाई ऐयाको
यहाँ समय त सबैलाई
एक हुँदैन
कसैलाई दौडिएको घडी
त कसैलाई रोकिएको पहर
यहाँ सबैलाई कसै न कसैको
अभाव छ !
कसैलाई घडीको त
कसैलाई समयको
कसैलाई भोजनको त
कसैलाई भोकको
कसैलाई सिरानीको त
कसैलाई निन्द्राको
कसैलाई पानीको त
कसैलाई तिर्खाको
यहाँ सबैलाई कसै न कसैको
अभाव छ !
कसैलाई जितको त
कसैलाई अवसरको
कसैलाई हारको त
कसैलाई प्रयासको
यहाँ सबैलाई कसै न कसैको
अभाव छ !
यहाँ मर्नेलाई ज्यानको अभाव छ
अनि बाँच्नेलाई जीवनको...!