-
-
-
-
पूर्णिमाको जुन ल्याउने वाचा गर्न सक्दिन म
जुनेली रातको तारा तोडेर ल्याउन सक्दिन म
पूर्णिमाको जुन ल्याउने वाचा गर्न सक्दिन म
जुनेली रातको तारा तोडेर ल्याउन सक्दिन म
जनम जनमको साथ दिने वाचा गर्न सक्दिन म
बितेका पलहरु यो क्षणमा समेट्न सक्दिन म
सक्छु त म तिम्रो मुहारमा त्यो जुनको उज्यालो ल्याउन
सक्छु त म त्यो जुनेली रातमा तिम्रो साथ दिन
सक्छु त म तिम्रो मुहारमा त्यो जुनको उज्यालो ल्याउन
सक्छु त म त्यो जुनेली रातमा तिम्रो साथ दिन
सक्छु त म यही जनममा नमरेसम्म निश्चल साथ दिन
सक्छु त म यही पललाई स्वर्णिम क्षणको आभाष दिन
सानो छ यो मेरो संसार सानै छ मेरो सपना
आशा छ मलाई मेरो गर्ने छौँ एक जीवनको रचना
हाँसीखुशी यही जूनीमा बाँच्ने मेरो सपना
डाँडाको घामलाई बिदा दिँदै
गरौँ एक नौलो बिहानीको कामना ।
