-
-
-
-
आमाले जस्तो निस्वार्थ माया गर्ने
ख्याल राख्ने अनि बुबाले जस्तो साथ र आँट
दिने तिमी बाहेक को छ र ।
आमाबुबाको प्रतिबिम्ब तिमी बाहेक अरु को होला र
दिदी तिम्रो मुहारमा सधैं खुशी देख्न पाऊँ
तिमीलाई खुशी बनाउन सकूँ
तिम्रो रक्षक बन्न सकूँ ।
जिन्दगीले झरी बनी रुझाउँदा
मलाई बचाउने छाता हौ तिमी
निबन्ध नै निबन्ध बीचको
एउटै मात्र कथा हौ तिमी ।
मैले तिमीमा आफूलाई हराएर
आफूमा तिमीलाई पाएको छु
मैले मेरा हरेक प्रार्थनामा
तिमीलाई सामेल गराएको छु ।
