-
-
-
-
अहिल्या श्रापग्रस्त भइन्
ढुङ्गामा परिणत उनी
त्रेतायुगसम्म पर्खनु पर्यो
वर्तमान युगमा
प्रत्येक नारीभित्र
अब अहिल्या बास बस्दैनन्
समयले भनिरहेछ
कमलनयनी नारी
भइसकेछ लौहनयनी
वर्णित गर्ने त्यो युगमा
कोमलङ्गी रूपवती
आगोको ज्वालाभित्र
समय समयले नारीलाई
सतीप्रथाभित्र जलाइसकेर
क्रुर परीक्षण उत्तीर्ण गरिसकेर
उनी यो युगको प्रतिबिम्ब
बनिसकेकी छिन्
नारी आमा....
नारी भार्या...............
सबै पात्र भएर पनि
युगदेखि आजको युगले
हर नारीलाई अभयदानरूपी
दश हात प्रदान गरिसकेको छ ।
