-
-
-
-
धादिङ । पृथ्वी राजमार्गको धादिङको झ्याप्ले खोलामा पहिरोले पुरिएका दुई सवारी साधनका १४ शव निकालिएको छ ।
काठमाडौँ र धादिङबाट खटिएका प्रहरी टोलीले दुवै बसबाट शनिबार साँझ १४ जनाको शव निकालेको प्रहरीले जानकारी दिएको छ ।
बुटवलबाट काठमाडौँ आउदै गरेको लु १ ज ४५७८ नम्बरको विङ्गरबाट ५ जना र अर्को नम्बर खुलिनसकेको बसबाट ९ शव निकालिएको प्रहरीले जनाएको छ ।
हाल खोजी कार्य जारी रहेकोले मृतकको संख्या बढ्न सक्ने प्रहरीले बताएको छ ।
लेदोसहितको पहिरो आउदा झ्याप्ले खोलामा सवारी साधन पुरिएका थिए ।
