काठमाडौँ । देशभर आएको बाढी पहिरो र चाडपर्वको आगमनसँगै उपत्यकामा अधिकांश तरकारीको मूल्य बढेको छ । गोलभेडा ठूलो (भारतीय) प्रतिकिलो १४० रुपैयाँ कायम गरिएको छ भने गोलभेँडा सानो (लोकल) प्रतिकिलो ९० रुपैयाँमा बिक्री भएको छ ।
त्यस्तैगरी आलु रातो प्रतिकिलो ८०, आलु रातो (भारतीय) प्रतिकिलो ५८ रुपैयाँ कायम गरिएको छ । त्यस्तैगरी प्याज सुकेको (भारतीय) प्रतिकिलो ११२ रुपैयाँ कायम गरिएको छ भने गाजर (लोकल) प्रतिकिलो १५० रुपैयाँमा बिक्री भएको कालीमाटी फलफूल तथा तरकारी बजार विकास समितिले जनाएको छ ।
प्याजसहित गाजर, मुला, घिउ सिमी, तिते करेला तथा परवर केही सस्तिएको छ । तोरीको साग र पालुँगो साग केही महँगिएको छ । समितिका अनुसार आज स्थानीय काउली ९०, रातो मुला ५९, सेतो मुला २०, लाम्चो भन्टा ८०, डल्लो भन्टा ८० रुपैयाँ प्रतिकिलोमा कारोबार भएको छ ।
उपभोक्ताले महँगोमा तरकारी किने पनि किसान भने पीडित छन् । बिचौलीले बिना लगानी पैसा हसुरिरहेको गुनासो व्याप्त छ । यद्यपि सरकारले कारबाही गर्न सकेको छैन ।
