- सुन चाँदी दर
- विनिमय दर
- नेपाली पात्रो
- राशिफल
काठमाडौँ । सेन्ट्रल एसियन भलिबल एसोसिएसन (काभा) यू-२० च्याम्पियनशिपमा नेपाल विजयी भएको छ ।
श्रीलङ्काको कोलम्बोमा मंगलबार भएको खेलमा नेपालले माल्दिभ्सलाई ३-० को सोझो सेटमा पराजित गर्दै विजयी भएको हो ।
नेपालले माल्दिभ्सलाई पहिलो सेट २५-५, दोस्रो सेट २५-१२ तथा तेस्रो सेट २५-२० ले आफ्नो पक्षमा पार्यो ।
जितसँगै नेपालले तीन खेलमा ६ अङ्क जोडेको छ । यसअघि पहिलो खेलमा नेपाल श्रीलङ्कालाई ३-० को सोझो सेटमा पराजित गरेको थियो ।
त्यस्तै दोस्रो खेलमा उज्वेकिस्तानसँग नेपाल ३-१ सेटमा पराजित भएको थियो । तीनै खेलमा पराजित माल्दिभ्स अङ्कविहिन छ ।
माल्दिभ्स यसअघि तुर्किमेनिस्तान र श्रीलङ्कासँग समान ३-० को सोझो सेटमा पराजित भएको थियो ।
विभिन्न ६ टोली सहभागी उक्त प्रतियोगितामा लिग चरणको खेलपछि शीर्ष दुईमा रहने टोलीबीच फाइनल खेल हुनेछ ।
अब नेपालले असोज २४ गते किर्गिस्तानसँग खेल्नेछ ।