-
-
-
-
काठमाडौँ । विजया दशमीको टीका लगाएपछि काठमाडौँ फर्कनेको लर्को शुरु भएको छ । आइतबार राजधानीको नयाँ बसपार्क बालाजु क्षेत्रमा दशैंका लागि काठमाडौँ छाडेर गाउँघर गएका मानिसहरु विजया दशमीको टीका लगाएसँगै अर्को दिन नै फर्किसकेका छन् ।
बडादशैँ पूर्णिमासम्मै लगाउने चलन भए पनि कर्म विशेषसँगै आफन्तकोमा टीका लगाउन फर्कनेहरुको लर्को लाग्न थालेको हो ।
यसपालि १३ लाख मानिसले दशैँका लागि काठमाडौँ उपत्यका छाडेका थिए । सडक सञ्जालमा प्राकृतिक विपद्का कारण समस्या भएसँगै हवाई यात्रासमेत निकै भएको थियो । बडादशैँको दुई दिनमा मात्र ६३ हजारले त्रिभुनव अन्तर्राष्ट्रिय विमानस्थलको प्रयोग गरेर बाहिर गएका थिए ।
अब भने विस्तारै फर्कने क्रम शुरु भएको छ । सरकारी सार्वजनिक बिदा सोमबारसम्म रहेको छ ।
