-
-
-
-
कीर्तिपुर । विश्वविद्यालय अनुदान आयोगका सदस्य एवं आणविक रसायनविद् प्राडा तुलसीप्रसाद पाठकको ८१ वर्षको उमेरमा निधन भएको छ ।
उनका मित्र प्राडा उपेन्द्र कोइरालाले दिएको जानकारीअनुसार सोमबार बेलुका १०ः१५ राजधानीको ॐ हस्पिटलमा उनको निधन भएको हो ।
उनमा लामो समयदेखि छातीको समस्या तथा निमोनियाका साथै पछिल्लो समय दुवै मिर्गाैलाले काम गर्न छोडेको थियो ।
विसं २००० को भाइटीकाका दिन जन्मिएका उनी विगतमा त्रिभुवन विश्वविद्यालयको व्यावहारिक विज्ञान अनुसन्धान केन्द्र (रिकास्ट) को प्रमुखसमेत रहेका थिए भने पछिल्लो समय उनी विज्ञान सङ्कायको डिन छनोट समितिको संयोजकसमेत थिए ।
हाल अस्ट्रेलियामा रहेका दुई छोरा स्वदेश फर्केपछि प्राडा पाठकको दाहसंस्कार हुने जानकारी प्राप्त भएको डा कोइरालाले बताए ।
