अन्तिम सात राज्यको गणना जारी, ट्रम्पलाई तीन सिट जित्न बाँकी, ह्यरिसको हार सुनिश्चित
हाम्रा कुरा
प्रकाशित २०८१ कार्तिक २१ बुधबार
325
Shares
काठमाडौँ । डोनाल्ड ट्रम्प फेरि ह्वाइट हाउस पुग्ने पक्का भएको छ । अमेरिकामा अबको केही समयमै आगामी राष्ट्रपति को हुने भन्ने छिनोफानो हुँदै गर्दा भारी मतान्तरसहित ट्रम्प राष्ट्रपति बन्ने पक्का भएको हो ।
बिहान सकिएको मतदानसँगै थालिएको मतगणनाले धमाधम आइरहेको छ ।अहिलेसम्म ५० मध्ये ४३ राज्यको मतपरिणाम आउँदा रिपब्लिकन पार्टीका उम्मेदवार डोनाल्ड ट्रम्पले २७ राज्य जितेका छन् भने डेमोक्रेटिक उम्मेदवार कमलादेवी ह्यारिसले १५ राज्यमा जित हासिल गरेकी छिन् ।
राष्ट्रपतिको निर्वाचन जित्नका लागि उम्मेदवारले कुल ५० राज्यका ५३८ मध्ये २७० इलेक्टोरल भोटको बहुमत प्राप्त गर्नुपर्ने हुन्छ । अहिलेसमम्म ट्रम्पले २६७ भोट जितिसकेका छन् । ह्यारिस निकै पछाडि छिन् । उनी दुई सयको नजिक छिन् ।
उलटफेर गर्ने ७ स्विङ राज्यमै ट्रम्प हावी भएपछि ह्यारिसले हार्ने पक्का भएको हो । अमेरिकी राजनीतिमा अहिलेसम्म कुनै पनि महिला राष्ट्रपति भएका छैनन् । यसपालि पनि ह्यारिस कमजोर सावित भइन् । २३० वर्षे अमेरिकी इतिहासमा पुरुष नै हावी छन् ।
ह्यारिस वर्तमान उपराष्ट्रपति हुन् भने ट्रम्प पूर्व राष्ट्रपति हुन् ।
संसदीय चुनावमा पनि रिपब्लिकन अगाडि
संसदीय चुनावमा पनि रिपब्लिकनले अग्रता लिएको छ ।
हाउस अफ रिप्रिजेन्टेटिभमा रिपब्लिकनले १९२ तथा डेमोक्रेटिकले १६६ सिट जित्दा सिनेटमा रिपब्लिकनले ५१ तथा डेमोक्रेटिकले ४२ सिट जितेको छ ।
