-
-
-
-
पोखरा । पोखरामा भिरबाट हामफालेकी एक युवतीकाे प्रहरीले जिवितै उद्धार गरेको छ ।
झापा घर भई हाल पोखरा महानगरपालिका वडा नं १० हस्पिटलचोक बस्ने बर्ष ३६ की मनु राई सोमबार बिहान करिब ८ः३० बजे पोखरा-१४ विजयपुरस्थित डढेसाँधु भिरबाट हामफालेकी थिइन् ।
घटनाको सूचना प्राप्त हुने बित्तिकै वडा प्रहरी कार्यालय रामबजारबाट खटिएको टोलीले बिहान करिब ९ः३० बजे उद्धार गरेको कास्की प्रहरीले जनाएको छ ।
घाइते अवस्थामा राईको उद्दार भएकाले उनको पोखरा स्वास्थ्य विज्ञान प्रतिष्ठानमा उपचार भइरहेको डीएसपी वसन्तकुमार शर्माले जानकारी दिए ।
उनी भिरबाट हामफाल्नुको कारणबारे अनुसन्धान भइरहेको प्रहरीले जनाएको छ ।
