एक्लै सङ्घर्ष गर्दैछु
न त मेरो अगाडि कोही छन्
न मेरो पछाडि कोही छन्
म लड्दै छु जिन्दगीसँग
थाहा छैन कतिबेला पछारिन्छु
कहिलेकाहिँ लाग्छ म आफैँ अभागी छु
अरुलाई भाग्य दिन कहाँ सक्छु र ?
अनि म आफैं दुःखी छु सधैँ
अरुलाई सुख दिन कहाँ सक्छु र ?
म आफैँ एक्ली छु
अरुलाई तिमी साथ देउ भन्न कहाँ सक्छु र ?
तर
ठीक छ मलाई असफलता पनि स्वीकार छ
जीवनमा लड्नु, ढल्नु नै मेरो लागि ज्ञान त हो
हार्नु जति हारिसकियो
कमजोर बनाउनु बनाइसके
अब यसरी हुन्न
अब म सङ्घर्षको मैदानमा उत्रिनु छ
अनि देखाउनु छ तिनीहरुलाई
जो मेरो असफलतामा ताली बजाउँथे
अब जित्नु छ हिजोको मलाई
अनि पूरा गर्नु छ हिजो देखेका
ती सारा अपुरा सपनाहरूलाई
जुन सपनाहरु मेरा अधुरै रहेका थिए
अब देखाउनु छ मेरा खुबीहरु
जुन मैले बिना पैसा
आफ्नो खुबी प्रस्तुत गर्न सकेकी थिइन
अब मलाई
अरुले देखेको म होइन
मैले देखेको
म बन्नु छ
जुन म
अरुसँग तुलना गर्न नपरोस्
अब मेरा यी रोकिएका पाइलाहरुलाई
अगाडि सार्नु छ
आफूलाई अझै धेरै तिखार्नु छ
आफूलाई साहसी बनाउनु छ
आफूलाई अझै धेरै निखार्नु छ
अनि जित्नु छ मलाई
प्रण भयो
चिनिनु छ कसैले नचिनेको मलाई
बाँच्नु छ मलाई
अनि बचाउनु
छ मेरो अस्तित्वलाई ।
