होसियार
स्मृति यहाँ छैन
समय तिम्रो पछाडि
हामी गोलो लेबिलमा
मन्थन गर्दैछौँ
बुझाउँदैछ फरियाद मातृभूमिले
पोख्दैछ दुःखेसो उनको
कति उदास छ उनको अनुहार
छ आँखा अन्नपूर्ण पनि
काँपिरहेछ हात पाउ उृनका
सोध्नुछ के ब्यथा भयो भनी
छ समाधान खोज्नु पनि
भन्दैछ तिमी भाँजो हाल्न नआउ
तिमी मन्थरा त होइन
होइन तिमी होलिका
तिमी त अहिल्याको प्रतिमूर्ति पनि होइन
दुर्बासा ऋषिको होइन
यो युग मस्तिष्क हौँ हामी
आजका युगका पाइला नबढाउनु
हाम्रा तन मन मस्तिष्कको नसा नसामा
मातृभूमिलाई गन्तव्यतिर पाइला बढाइदिनु छ
उनका वास्तविक चिकित्स कहाँ पुर्याउनु छ
निरोगी बनुन् हाम्रा मातृभूमि
पाइला हामीले नै बढाउनु छ
बढाउनु छ ।
