धर्मशाला सञ्चालनबारे पशुपति कोष र काठमाडौँ महानगरबीचको सम्झौता खारेज
हाम्रा कुरा
प्रकाशित २०८१ फागुन २२ बिहिबार
936
Shares
तस्बिर – फाइल ।
काठमाडौँ । पशुपति क्षेत्र विकास कोष र काठमाडौँ महानगरपालिका बीच धर्मशाला सञ्चालन गर्ने बारेको सम्झौता खारेज भएको छ ।
उच्च अदालत पाटनले सो सम्झौता खारेज गरेपछि गौशाला धर्मशाला सञ्चालनको जिम्मा मारवाडी सेवा समितिले नै पाएको छ ।
उच्च अदालत पाटनका न्यायाधीशद्वय मुनेन्द्रप्रसाद अवस्थी र हेमन्त रावलको संयुक्त इजलासले धर्मशालाको सञ्चालन मारवाडी सेवा समितिले नै गर्न पाउने फैसला गरेको हो ।
कोषले मारवाडी सेवा समितिसँगको सम्झौता रद्द गरेको थियो । सो विषयमा काठमाडौं जिल्ला अदालतमा मुद्दासमेत चलेको थियो ।
काठमाडौँ जिल्ला अदालतले कोषको पक्षमा फैसला गरेसँगै महानगरसँग अर्को सम्झौता गरिएको थियो ।
माथिल्लो अदालतमा पुनरावेदन जाने समय बाँकी छदै कोष र महानगरबीच सम्झौता भएको भन्दै मारवाडी सेवा समितिले आपत्ति जनाउँदै आएको थियो ।
