काठमाडौँ । रङ्गैरङ्गको पर्व होली नजिकिएसँगै बजारमा चहलपहल बढेको छ । बिहीबार उपत्यकालगायत पहाडी क्षेत्रमा होली मनाइन्छ भने तराईमा शुक्रबार मनाइने गरिएको छ।
होलीको मुखमा राजधानीको असन क्षेत्रमा बुधबार किनमेल गर्नेको भीड लागेको थियो । असन र इन्द्रचोकका गल्लीहरूमा होलीका रंग, टिशर्ट, कुर्ता, वाटर गन र पानीका गुब्बाराहरू किन्नेहरू देखिए ।
व्यापारीहरू ग्राहक बोलाइरहेका छन्, कोही रंग छान्दै छन्, कोही मोलमोलाइ गर्दैछन् । सडकभरि चहलपहल छ, होलीको माहोल झल्किएको छ ।
होली खेल्दा लगाइने लुगा बच्चाको जोडीको ३०० र ठूलोको जोडीको ४०० मा बिक्री भइरहेको छ भने त्यस्तै पानी हालेर खेल्ने पिचकरी ५० रुपैयाँदेखि १५०० सम्म बिक्री भइरहेको छ ।
त्यस्तै रङ्गको प्याकेटको २० रुपैयाँदेखि २०० रुपैयाँ पर्ने व्यापारीहरु बताउँछन् ।
