काठमाडौँ । काठमाडौँको चिकंमुगलमा दिपेन्द्र कुमार रञ्जितकारले हरेक वर्ष दशैंमा चङ्गा बेच्दै आएका छन् । उनले यो व्यापार गरेको करिब चार दशक भइसकेको छ ।
पहिले दशैँमा चङ्गा किन्नेको भीड हुन्थ्यो । अहिले भने चङ्गा किन्ने मानिस घटेका छन् । सामान्य चङ्गाको १०–४० रुपैयाँसम्म पर्छ । नेपालमै बनेको कागजमा तयार गरिएको दशैँको चङ्गा भने महँगो पर्छ।
लट्टाईको मूल्य सानो लट्टाई १२० रुपैयाँदेखि शुरू भई ठूलो लट्टाई १०००–१२०० रुपैयाँसम्म पर्छ।
चङ्गा बनाउने काम त दशैँका लागि गरिन्छ तर दिपेन्द्र रञ्जितकारले इन्द्रजात्रापछि पसलमा चङ्गा बनाउने काम शुरू गर्छन् ।
दशैंमा चङ्गा उडाउनु केवल खेल मात्र होइन यसले परिवार र समुदायलाई एकत्रित गर्ने, पर्वको रमाइलो बढाउने र संस्कृति तथा परम्परा जगेर्ना गर्ने काम गर्छ । आकाशमा रंगीन चङ्गा उडाउँदा उत्सवको माहोल अझ जीवन्त हुन्छ।
