काठमाडौँ । नेपाल प्रिमियर लिग (एनपीएल) क्रिकेटको दोस्रो संस्करण शुरू हुनुअघि आयोजित ‘ट्रफी जात्रा’ पाटन दरबार स्क्वायर पुगेको छ ।
एनपीएलका प्रत्येक सहभागी टिमले ट्रफी टुर गरिरहेको बेला काठमाडौं गोर्खाजले पनि भक्तपुर दरवार स्क्वायरसँगै पाटन र काठमाडौँ दरवार स्क्वायरमा ‘ट्रफी जात्रा’ आयोजना गरेको हो ।
पाटन दरबार क्षेत्र पुगेको ट्रफीसँग फोटो खिच्नको लागि समर्थकहरूको भीड लागेको थियो । विराटनगरबाट शुरू भएको ट्रफी टूर सुदूरपश्चिमको कैलालीमा पुगेर टुंगिने बताइएको छ ।
विराटनगरबाट ट्रफी टुर मधेस प्रदेशको जनकपुरबाट चितवन हुँदै काठमाडौँ आइपुगेको हो । काठमाडौँका प्रमुख स्थानमा ट्रफी टूर गरेसँगै पोखरा, लुम्बिनी, सुर्खेत हुँदै कैलाली पुगेर टुंगिने छ ।
एनपीएलको दोस्रो संस्करण यही मंसिर १ देखि २७ गतेसम्म हुँदैछ ।
