एमाले महाधिवेशनको बन्द सत्रः भृकुटीमण्डपमा चहलपहल [फोटोफिचर]
हाम्रा कुरा
प्रकाशित २०८२ मंसिर २८ आइतबार
631
Shares
तस्बिर – नेपाल फोटो लाइब्रेरी ।
काठमाडौँ । नेपाल कम्युनिष्ट पार्टी एमालेको ११औँ राष्ट्रिय महाधिवेशनको बन्द सत्र भृकुटीमण्डपमा बस्दैछ । बिहान ८ बजे बस्ने भनिएको बन्द सत्रलाई रोकेर पहिले केन्द्रीय कमिटी बैठक बसेपछि मात्र बन्द सत्र शुरु हुनेछ ।
बन्द सत्र दिउँसो १२ः३० बजेमात्र शुरु हुने प्रचार विभाग प्रमुख राजेन्द्र गौतमले जानकारी दिएका छन् । शनिबारदेखि शुरु भएको महाधिवेशनको बन्दसत्र बिहानदेखि हुने भनिए पनि पार्टीको विधान संशोधनसहित समसामयिक राजनीतिक विषयमा छलफल गरी टुंगोमा पुगेपछिमात्र बन्द सत्र शुरु हुनेछ ।
बन्द सत्रका बेलामा आएर पार्टीको विधान संशोधन गर्नुपर्नाको कारण खुलाइएको छैन । कुन विषयमा संशोधन हुँदैछ भन्ने एजेन्डासमेत नदिएकाले अलमल भएको बताइएको छ ।
यसअघि शनिबार सल्लाघारीमा भएको उद्घाटन सत्रलाई भने एमालेले भब्य भएको दाबी गरेको छ ।
यो महाधिवेशनले पार्टीको नयाँ नेतृत्वसहित नयाँ केन्द्रीय कमिटी चयन गर्नेछ ।
अहिलेसम्म अध्यक्षमा दुई पटक अध्यक्ष भइसकेका केपी शर्मा ओली र वरिष्ठ उपाध्यक्ष ईश्वर पोखरेलबीच प्रतिस्पर्धा हुने देखिएको छ ।
ओलीले अझै पनि पूरै कार्यसमिति सहमतिमा बनाइने दाबी गरेका छन् ।
