-
-
-
-
जब सबैले छिटो नतिजा खोजे
मैले भने धैर्यको हात समातेँ
किनकि मलाई थाहा थियो
ढिलो फुल्ने फुल सबैभन्दा सुगन्धित हुन्छ
अहिलेसम्म जीवनमा हजार चोट लागे
तर मैले समयलाई कहिल्यै दोष दिइन
किनकि कतिपय पीडाले हामीलाई भत्काउन होइन
बनाउन आउँछ्न्
धैर्यले मलाई झुक्न सिकायो
तर टुट्न दिएन
ढुङ्गा झैँ होइन
माटो जस्तै बन्न सिकायो
चोट सहेर जीवन के हो बुझ्न सिकायो
कतिपय चोटहरु शब्दले होइन
समयले निको पार्छ रे त्यसैले
म राम्रो दिनको प्रतीक्षामा छु
धैर्यले मलाई सहन सिकायो र
सहँदै आफूलाई जोगाउन
मलाई सबै उत्तर आजै चाहिँदैन
केही उत्तर मौनमै हुन दिनुपर्छ
आज ढिलो लागे पनि
भोलि सही ठाँउमा पुग्ने छु म
किनकि म हतार होइन
धैर्यसँग यात्रा गरिरहेकी छु ।
