काठमाडौँ। नियात्राकार छविरमण सिलवालको नवीनतम् नियात्राकृति अमेरिकाको घाम लोकार्पण गरिएको छ ।
उक्त कृति श्रीओम श्रेष्ठ रोदन, नियात्राकार सिलवाल, सुमन सौरभ, केशव पराजुली,नन्दु उप्रेती, मधु पाठक, प्रदीप सापकोटालगायतले लोकार्पण गरे ।
वरिष्ठ साहित्यकार रोदनले नियात्राकारले पाठकलाई आफूसँगै अमेरिका, यूरोप र चीनको यात्रा गराउन सक्षम भएको बताए ।
भुँडीपुराणका प्रवन्ध निर्देशक पराजुलीले कृति मीठासपूर्ण भएकोले पाठकको माया पाउने बताए ।
सिलवालका यसअघि १० कृति प्रकाशित भइसकेका छन् ।
कृतिभित्र विभिन्न शीर्षकका १३ थान नियात्रा समावेश छन् ।
राजकुमार बानियाँका अनुसार सरल,सहज र सवेद्य भाषा अनि गाहे ब गाहे काव्यलहरीले यात्रा वृतान्तलाई सुन्दर बनाएको छ ।
कुमारी लामा भन्छिन्- जीवनका हरक्षण उत्सवमय बनाउन खप्पिस सिलवाल स्लोभेनियन नजरावेंमा एकाध पटक मात्र सामेल भए तापनि अमेरिकाको घाममार्फत समस्त पाठकहरूलाई रमरमिलो महसूस गराउन सफल छन् ।
अमेरिकाको घामलाई भुँडीपुराण प्रकाशनले प्रकाशित गरेको हो ।
