काठमाडौँ । पशुपति क्षेत्र विकास कोषले महाशिवरात्रिको तयारी अन्तिम चरणमा पुगेको जनाएको छ । कोषले तयारी अन्तिम चरणमा पुगेको जानकारी दिएको छ । कोषले बिहीबार पत्रकार सम्मेलन गरी जानकारी दिने बताएको छ ।
फागुन १ गतेदेखि ५ गतेसम्म महाशिवरात्रि पर्व सञ्चालन बारे जानकारी दिन बिहीबार दिउँसो ३ः३० बजे पत्रकार सम्मेलनको आयोजना गरिएको पशुपति क्षेत्र विकास कोषका सदस्य सचिव सुवासचन्द्र जोशीले जानकारी दिए ।
उनले भने, 'आज गुठी संस्थानले महाशिवरात्रि पर्वमा साधुसन्तको सेवा, पूजा तथा व्यवस्थापनबारे जानकारी दिएको हो । आधिकारिक पत्रकार सम्मेलन पर्सी बिहीबार हो ।'
महाशिवरात्रि पर्व अवधिभर पशुपति क्षेत्रका मठ–मन्दिर तथा अखडाहरूमा उपस्थित साधुसन्तका लागि दाउरा, भोजन, पूजा सामग्री र दक्षिणाको व्यवस्था गर्ने उनले जानकारी दिए ।
