काठमाडौँ । कालिमाटी फलफूल तथा तरकारी बजार विकास समितिले आजका लागि कृषि उपजहरूको थोक मूल्य निर्धारण गरेको छ। समितिका अनुसार आज भारतीय ठुलो गोलभेँडा प्रतिकिलो ७० रुपैयाँमा कारोबार भइरहेको छ भने लोकल सानो गोलभेँडाको मूल्य २८ रुपैयाँ तोकिएको छ। 

टनेलको सानो गोलभेँडा ५० रुपैयाँ, भारतीय सानो ३५ रुपैयाँ र तराईको सानो गोलभेँडा ४० रुपैयाँ प्रतिकिलोमा पाइनेछ। यस्तै, रातो आलु ३० रुपैयाँ र भारतीय रातो आलु २६ रुपैयाँमा उपलब्ध हुँदा सुकेको भारतीय प्याजको मूल्य ३८ रुपैयाँ कायम गरिएको छ। गाजरतर्फ लोकल ६० रुपैयाँ र तराईको ५० रुपैयाँ छ भने लोकल बन्दा ५२ रुपैयाँ र तराईको बन्दा ३० रुपैयाँमा झरेको छ। स्थानीय काउली २८ रुपैयाँ, ज्यापू काउली ५० रुपैयाँ र तराईको काउली ३० रुपैयाँमा बिक्री भइरहेको छ।

त्यसैगरी, मटरकोसा ६० रुपैयाँ, लोकल घिउ सिमी १३० रुपैयाँ, हाइब्रिड सिमी १०० रुपैयाँ र राजमा सिमी १३० रुपैयाँ प्रतिकिलो निर्धारण गरिएको छ। तिते करेलाको भाउ १९० रुपैयाँ पुग्दा लौका ८० रुपैयाँ, पाकेको फर्सी ५० रुपैयाँ र भिन्डी १२० रुपैयाँमा पाइनेछ। सागसब्जीतर्फ रायो र तोरीको साग प्रतिकिलो २५ रुपैयाँ, पालुङ्गो ४० रुपैयाँ र मेथी ४० रुपैयाँ कायम भएको छ। च्याउतर्फ कन्य च्याउ ११० रुपैयाँ, डल्ले च्याउ ४०० रुपैयाँ र सिताके च्याउको मूल्य १,००० रुपैयाँ तोकिएको छ। ब्रोकाउली ५० रुपैयाँ, सजीवन २५० रुपैयाँ, गुन्द्रुक ३०० रुपैयाँ र रूख टमाटर २६० रुपैयाँमा पाइनेछ।

फलफूलको बजारमा झोले स्याउ २५० रुपैयाँ, फुजी स्याउ ३२० रुपैयाँ र केरा प्रतिदर्जन १९० रुपैयाँमा कारोबार भइरहेको छ। कागती १९० रुपैयाँ, अनार ३३० रुपैयाँ, हरियो अङ्गुर २४० रुपैयाँ र कालो अङ्गुर ४०० रुपैयाँ प्रतिकिलो पुगेको छ। नेपाली सुन्तला १८० रुपैयाँ, लोकल काँक्रो १७० रुपैयाँ र हाइब्रिड काँक्रो ७० रुपैयाँमा पाइनेछ। स्ट्रबेरीको मूल्य ५५० रुपैयाँ, किबी २६० रुपैयाँ र एभोकाडो ३५० रुपैयाँ तोकिएको छ। यस्तै, अमला ११० रुपैयाँ, अदुवा १२० रुपैयाँ, अकबरे खुर्सानी ५५० रुपैयाँ र हरियो धनियाँ ५० रुपैयाँमा बिक्री भइरहेको छ। ताजा माछातर्फ रहु ३४० रुपैयाँ, बचुवा २८० रुपैयाँ र छडी माछाको थोक मूल्य २५० रुपैयाँ निर्धारण गरिएको छ।