अष्ट्रेलिया र न्युजिल्यान्डद्वारा मध्यपूर्वमा सैन्य विमान परिचालन: नागरिक उद्धारमा जुटे दुवै देश
हाम्रा कुरा
प्रकाशित २०८२ फागुन २१ बिहिबार
2.3k
Shares
काठमाडौँ । अष्ट्रेलियाले आफ्ना नागरिकको आकस्मिक निष्कासन योजना अनुरूप मध्यपूर्वमा दुईवटा सैन्य विमान तैनाथ गरेको छ। अमेरिका–इजरायली आक्रमणपछि इरानका सर्वोच्च नेता आयातोल्लाह अली खामेनीको मृत्यु भई क्षेत्रीय युद्ध भड्किएपछि विभिन्न देशहरूले आफ्ना नागरिकलाई सुरक्षित निकाल्न हतार गरिरहेका छन्।
अष्ट्रेलियाका प्रधानमन्त्री एन्थोनी अल्बानिजले बिहीबार संसद्मा सम्बोधन गर्दै मध्यपूर्वमा सैन्य विमान तैनाथ गरिएको पुष्टि गरे। उनले खतरनाक अवस्थामा पनि अष्ट्रेलियालीहरूको ज्यान जोगाउन खटिएका उद्धारकर्मीहरूलाई धन्यवाद दिए।
अष्ट्रेलियाले यस क्षेत्रमा आफ्ना करिब १ लाख १५ हजार नागरिक रहेको बताएको छ। बुधबार मात्रै पहिलो उद्धार उडान दुबईबाट सिड्नी पुगेको अधिकारीहरूले जानकारी दिएका छन्।
यसैगरी, न्युजिल्यान्डले पनि आफ्ना नागरिकहरूको सुरक्षित निष्कासनका लागि बिहीबार मध्यपूर्वमा दुईवटा सैन्य विमान तैनाथ गर्न आदेश दिएको छ। मध्यपूर्वमा बढ्दो तनाव र युद्धको डढेलोका कारण अन्तर्राष्ट्रिय उडानहरू प्रभावित भएपछि विभिन्न मुलुकले सैन्य विमानमार्फत आफ्ना नागरिकको उद्धार कार्यलाई तीव्रता दिएका हुन्।
